UN៖ តំណាងអង្គការសហប្រជាជាតិ ទទួលបន្ទុកកិច្ចការរំសាយអាវុធបាននិយាយទៅកាន់ក្រុមប្រឹក្សាសន្តិសុខកាលពីថ្ងៃសុក្រម្សិលមិញថា ស្ថាប័ននេះមិនបានដឹងអំពីកម្មវិធីអាវុធជីវសាស្ត្រ នៅអ៊ុយក្រែននោះទេ។ ការលើកឡើងនេះបានធ្វើឡើង ខណៈសហព័ន្ធរុស្ស៊ីបានបន្តការចោទប្រកាន់ទាក់ទងនឹងអាវុធជីវសាស្ត្រនៅអ៊ុយក្រែន។ប្រទេសលោកខាងលិចចំនួន ៦ប្រទេសបានចោទប្រកាន់រុស្ស៊ីថា កំពុងប្រើប្រាស់ក្រុមប្រឹក្សាសន្តិសុខដើម្បីលាងជម្រះព័ត៌មានមិនពិត ផ្សព្វផ្សាយការឃោសនា និងបង្ហាញពីភាពត្រឹមត្រូវនៃការវាយប្រហារដែលមិនបានបង្កហេតុលើអ៊ុយក្រែន៕
