បាល់ទាត់៖ កាលពីល្ងាចថ្ងៃទី២៨ ខែមិថុនានៅកីឡដ្ឋាន Smart RSN របស់ភ្នំពេញក្រោន ក្រុមបាល់ទាត់ជម្រើសជាតិយុវជនអាយុក្រោម ១៩ឆ្នាំរបស់កម្ពុជាបានចាប់ផ្ដើមហ្វឹកហាត់ជុំគ្នាជាផ្លូវការហើយ សម្រាប់ត្រៀមការប្រកួតជើងឯកយុវជនអាស៊ីអាគ្នេយ៍អាយុក្រោម ១៩ឆ្នាំ AFF U19 Championship 2022 នៅប្រទេសឥណ្ឌូនេស៊ីចាប់ពីថ្ងៃទី០២ ដល់ថ្ងៃទី១៥ ខែកក្កដាខាងមុខនេះ ។
លោក Kuji Gyotoku គ្រូបង្វឹកជនជាតិជប៉ុន បាននិយាយថា ការប្រមូលផ្ដុំហ្វឹកហាត់ផ្លូវការនេះគឺមានរយៈពេល ២ថ្ងៃប៉ុណ្ណោះ បន្ទាប់មកក្រុមគោព្រៃជំទង់កម្ពុជា នឹងធ្វើដំណើរទៅប្រទេសឥណ្ឌូនេស៊ីនៅព្រឹកថ្ងៃទី៣០ ខែមិថុនាស្អែកនេះ។
សូមជម្រាបថា ក្រុមគោព្រៃជំទង់កម្ពុជា (អាយុក្រោម១៩ឆ្នាំ) ស្ថិតក្នុងពូល B ដែលមានក្រុម ម៉ាឡេស៊ី U19 ទីម័រខាងកើត U19 សិង្ហបុរី U19 និងឡាវ U19 ។ កម្ពុជានឹងត្រូវជួបក្រុម U19 សិង្ហបុរីមុនគេនាថ្ងៃទី០៣ ខែកក្កដា មុនបន្ដជួបម៉ាឡេស៊ីនាថ្ងៃទី០៥ ខែកក្កដា, ជួបឡាវនាថ្ងៃទី០៧ ខែកក្កដា និងចុងក្រោយជួបទីម័រខាងកើតនាថ្ងៃទី១១ ខែកក្កដា ឆ្នាំ២០២២ នេះ។
សូមបញ្ចាក់ថា សម្រាប់ពូល A វិញគឺមានម្ចាស់ផ្ទះឥណ្ឌូនេស៊ី, ថៃ, មីយ៉ាន់ម៉ា, វៀតណាម ប្រ៊ុយណេ និងហ្វីលីពីន