ជប៉ុន៖ កាលពីថ្ងៃចន្ទ រយៈពេល ៣ថ្ងៃក្រោយលោកត្រូវបានខ្មាន់កាំភ្លើងបាញ់សម្លាប់ ពលរដ្ឋកាន់ទុក្ខរាប់រយនាក់បានសម្រុកទៅកាន់ព្រះវិហារក្រុងតូក្យូ ដើម្បីគោរពវិញ្ញាណក្ខន្ធអតីតនាយករដ្ឋមន្ត្រីជប៉ុនលោក Shinzo Abe។
សូមជម្រាបថា សពអតីតនាយករដ្ឋមន្ត្រីបានតម្កល់ ក្នុងព្រះវិហារ Zojoji របស់ទីក្រុងតូក្យូ ប្រជាពលរដ្ឋបានដើរចូលយ៉ាងស្ងៀមស្ងាត់ សម្រាប់ការគោរព។ ហើយនៅថ្ងៃអង្គារនេះគេសង្កេតឃើញថា មានប្រជាពលរដ្ឋកាន់តែច្រើនបានឈរតម្រង់ជួរនៅព្រះវិហារ Zojoji ដើម្បីគោរពវិញ្ញាណក្ខន្ធដល់លោក Shinzo Abe មុនពិធីបុណ្យសពថ្ងៃអង្គារនេះ៕